هُداوند نێزگارا چِستَ کنت
113
هُداوندا بنازێنێت، هَلّێلویا.بنازێنێت، او هُداوندئے هزمتکاران!
هُداوندئے ناما بنازێنێت.
2 هُداوندئے ناما ستا و سنا بات،
چه انّونا تان اَبد.
3 مَشرِکا بگر تان مَگرِبا،
هُداوندئے نام نازێنگ بات.
4 هُداوند سجّهێن کئومانی سرا پُرجلال اِنت و
آییئے شان و شئوکت چه آسمانان بُرزتِر.
5 کئے مئے هُداوندێن هُدائے ڈئولا اِنت؟
مئے هُدا بُرزاد، وتی بادشاهی تهتا نِشتگ.
6 آ جَهلَ بیت
که آسمان و زمینا بچاریت.
7 آ نێزگارا چه هاکا و
هاجتمندا چه پُرانی هاکۆٹا* چستَ کنت.
8 شهزادگانی نیاما نادێنیتِش،
وتی کئومئے شهزادگانی نیاما.
9 سَنٹ و بےائولادێن جنێنا وشدل و چُکّانی ماتَ کنت و
آییئے لۆگا آباد.
هُداوندا بنازێنێت، هَلّێلویا.