36
Mgo Kapunganan Ni Esau
1 Soini ka nangnangonon tongod ki Esau (no songo pighingaranan ki Idom). 2 Nig-asawa si Esau to mgo matig Canaan. Ka sagboka ian si Ada no anak ni Ilon no otow to Hit, woy ka rangob si Oholibama no anak ni Ana no anak ni Sibion no otow to Hib. 3 Songo nig-asawa si Esau to anak ni Ismail no si Basimat no atoboi ni Nibaiot.
4 Nig-anak si Ada ki Ilipas woy nig-anak si Basimat ki Riuil, 5 woy nig-anak si Oholibama ki Yius, ki Yalam woy ki Kora. Sikandan ian ka mgo anak no lukos ni Esau no nootow dio to Canaan.
6 No pig-aap ni Esau ka mgo asawa rin, mgo anak din no mgo lukos woy mgo boi, woy ka tibon lunggunan din duma to tibon mgo adyam woy mgo kaaglagan din no nakandin dio to Canaan, no nighalin sikandin to madmariu to hari rin no si Jacob. 7 Waro noko-ugpo sikandan to sagboka ro no longod; hoo su konon litos ka lagut to sikan no tano no ogpasabsaban to tibon mgo adyam dan su marasig lagboy.
8 Sikan ian nig-ugpo si Esau (no ian si Idom) to kabubunganan to Siir. 9 Soini ian ka nangnangonon tongod ki Esau no amoy to tibon mgo otow to Idom no dio to kabubunganan to Siir. 10 Soini ka mgo ngaran to mgo anak no lukos ni Esau: Si Ilipas no anak ni Ada, woy si Riuil no anak ni Basimat. 11 Ka mgo anak no lukos ni Ilipas ian si Timan, si Omar, si Sipo, si Gatam woy si Kinas.
12 Songo duon as-asawa to anak ni Esau no si Ilipas no ian si Timna. Naka-anak si Timna ki Amalik. Sikandan tibo ian ka mgo apu ni Esau pinabadyo ki Ada no asawa rin.
13 Ka mgo anak no lukos ni Riuil ian si Nahat, si Sira, si Samma woy si Missa. Sikandan ian ka mgo apu ni Esau pinabadyo ki Basimat no asawa rin.
14 Songo duon mgo anak no lukos ni Esau pinabadyo to asawa rin no si Oholibama no anak ni Ana woy apu ni Sibion. Sikandan si Yius, si Yalam woy si Kora.
15 Soini ka mgo kapunganan ni Esau no nohimu no mgo igbudyag: ka mgo anak ni Ilipas no panganoy ni Esau sikandan si Datu Timan, si Datu Omar, si Datu Sipo, si Datu Kinas, 16 si Datu Kora, si Datu Gatam woy si Datu Amalik. Sikandan ian ka mgo datu to tano to Idom no mgo kapunganan ni Ilipas no anak ni Ada. 17 Ka mgo anak ni Riuil no anak ni Esau ian si Datu Nahat, si Datu Sira, si Datu Samma woy si Datu Missa. Sikandan ian ka mgo datu to tano to Idom no mgo kapunganan ni Riuil no mgo apu ni Basimat. 18 Ka mgo anak ni Oholibama no asawa ni Esau ian si Datu Yius, si Datu Yalam woy si Datu Kora. Sikandan ian ka mgo datu no kapunganan ni Oholibama no asawa ni Esau woy anak ni Ana. 19 Sikandan tibo ian ka mgo anak no lukos ni Esau (no songo pighingaranan ki Idom) woy sikandan ian ka mgo datu.
20 Soini ka mgo anak no lukos ni Siir no kapunganan ni Hor, no nig-ugpo to sikan no tano; sikandan si Lotan, si Sobal, si Sibion, si Ana, 21 si Dison, si Isir woy si Disan. Tibo sikandan mgo datu to mgo kapunganan ni Hor dio to tano to Idom.
22 Ka mgo anak no lukos ni Lotan ian si Hori woy si Himam. Si Timna ian ka atoboi ni Lotan.
23 Ka mgo anak no lukos ni Sobal ian si Alvan, si Manahat, si Ibal, si Sipo woy si Onam.
24 Ka mgo anak no lukos ni Sibion ian si Aia woy si Ana. Sikandin ian ka Ana no nakakita to sobsob no moinit no woig dio to han-hanawan tagood to nigpasabsab sikandin to mgo asnu to amoy rin no si Sibion.
25 Ka mgo anak ni Ana ian si Dison woy si Oholibama.
26 Ka mgo anak no lukos ni Dison ian si Himdan, si Isban, si Yitran, woy si Kiran.
27 Ka mgo anak no lukos ni Isir ian si Bilhan, si Saaban woy si Akan.
28 Ka mgo anak no lukos ni Disan ian si Us woy si Aran.
29-30 Soini ka mgo igbudyag to mgo koot-otawan ni Hor sumao to tano dan to Siir. Sikandan si Datu Lotan, si Datu Sobal, si Datu Sibion, si Datu Ana, si Datu Dison, si Datu Isir woy si Datu Disan.
31 Soini ka mgo hari no nigboboot dio to Idom to waro pad hari to koot-otawan ni Israil: 32 Nohimu no hari to Idom si Bila no anak ni Bior. Pighingaranan ka lunsud din no Dinhaba.
33 To namatoy on si Bila, si Yobab no anak ni Sira no matig Bosra ian ka nigsoip kandin no nohimu no hari.
34 To namatoy on si Yobab, si Husam no matig Timan ian ka nigsoip kandin no nohimu no hari.
35 To namatoy si Husam, Si Hadad no anak ni Bidad ian ka nigsoip kandin no nohimu no hari. Si Hadad ian ka nakaroog to mangadyow ki Midian dio to tano to Moab. Pighingaranan ka lunsud din no Avit.
36 To namatoy on si Hadad, si Samla no matig Masrika ian ka nigsoip kandin no nohimu no hari.
37 To namatoy si Samla, si Saul no matig Rihobot to longod to woig no Eupratis ian ka nigsoip kandin no nohimu no hari.
38 To namatoy si Saul, si Baal-Hanan no anak ni Akbor ian ka nigsoip kandin no nohimu no hari.
39 To namatoy si Baal-Hanan no anak ni Akbor, si Hadad ian ka nigsoip kandin no nohimu no hari. Pighingaranan ka lunsud ni Hadad no Pau, woy ka ngaran to asawa rin ian si Mihitabil no anak no boi ni Matrid, no anak ni Mi-Sahab.
40 Soini ka mgo igbudyag no mgo kapunganan ni Esau pinabadyo to mgo ngaran dan woy ugpaan dan: si Datu Timna, si Datu Alba, si Datu Yitit, 41 si Oholibama no Bio, si Datu Ila, si Datu Pinon, 42 si Datu Kinas, si Datu Timan, si Datu Mibsar, 43 si Datu Magdiil woy si Datu Iram. Sikandan ian ka mgo datu to Idom pinabadyo to mgo ugpaan dan.
Sikan ian ka nangnangonon tongod ki Esau no amoy to mgo otow to Idom.