Kiŋwaati ki Pɔɔ tɛ̀ tsɛɛ li kintaashɛ ki
Lo-om
Fiee fi nuuŋ lɛ Kiŋwaati ki Lo-om kini
Kiŋwaati kini ɛ Pɔɔ wu tɛ̀ tsɛɛ li bɛniiŋ bɛ kimbeenchɛ-ɛ bɛ Lom le tee be fiee fi kii kimbeenchɛ ki nuuŋ ki bɛniiŋ bɛ krai bɛ fiee fi kimbeenchɛ kilu wɛki le bɛniiŋ bɛlu ni be feti. Kiŋwaati kilu kini kɛmi kɛɛ fiee fichu fi kii bɛntiifɛ bɛ Pɔɔ lɛ, yɛki biŋwaati biee bimu bichu.
Wu teeɔ le bɛniiŋ bɛchu, mɔɔ nuuŋ Bɛjuu mɔɔ nuuŋ bɛniiŋ bɛ nuuŋ yɛ Bɛjuu kɛ kɛmi le be nachɛ yih yibe bɛ Nyɔ, kifɛ be bɛchu kɛmi baa bubiɛɛ. Wu teeɔ le wi nuuŋ nachɛ yi yee bɛ Nyɔ nuuŋ fɛ wu gɛɛ shéŋ yee li Jiso Krai.
Pɔɔ tɛ̀ tsɛɛ tɛ nachi kii ndɛndɛ wu tɛ̀ nuuŋ le gii dɛndɛ gɛɛŋ ŋɛŋ kintutu ki bɛniiŋ bɛ kimbeenchɛ-ɛ ki Lo-om kilu. Tɛ̀ nachɛ le gii ke wu gɛɛŋ wu bo le, ŋɔɔnɛ bee be le niiŋ ni feti nimɛ lɛ bee lɛnti, be se tɔɔŋ wu li ŋgɛnu limfwe-e, gɛɛŋ bo Spɛŋ.
Bikoo bi biee bi lɛ Kiŋwaati kini-i
1:1-17 Kimbɛɛchɛ bɛ bikoo bi biee lɛ
1:18–3:20 Kii si bɛniiŋ bɛchu bɛ li nshɛ-ɛ wɛki le bɛ soo be
3:21–4:25 Dze yi Nyɔ wɛki le bɛniiŋ ka le be se bo
5:1–8:39 Ntsɛ wu fwɛŋ wu bɛniiŋ bɛ Krai kɛmi
9:1–11:36 Bɛniiŋ bɛ Isɛlɛɛ li ntaŋ wu Nyɔ-ɔ
12:1–15:13 Ntsɛ wu bɛniiŋ bɛ Krai
15:14–16:27 Kimɛrisɛ bɛ n'yɛɛshɛ li bɛniiŋ li