آضحية الحمد
50
1 الله القدير نادى في الأرض من مشرقها لمغربها.2 أشرق جلال نور وجهه إلهنا من بيته المقدس.
3 إلهنا مش بيسكت، وبيحل في جلال بتتقدمه نار ومن حوليه بتهدر الرياح.
4 ينادي السماوات والأرض علشان يشهدوا حاسب شعبه.
5 ويقول: ”المتقين يحضروا قدامي، اللي عاهدوني وقدموا لي الآضاحي.“
6 وتعلن السماوات وتقول: ”الله هو الحكم العدل، وهو الديان صادق الوعد.“
7 والله يقول: ”يا بني إسرائيل، أنا هو الله إلهكم. فاسمعوا اللي شهدته عليكم.
8 أنا مش بعاتبكم بسبب أضحياتكم، فأنتم دايمًا بتقدمو لي الآضاحي.
9 فأنا الغني ومش محتاج ثيرانكم ولا كباشكم.
10 وأملك كل اللي في غابات الأرض من حيوان، والمواشي على سفوح التلال.
11 وأنا العليم بكل المخلوقات في الوديان، وبالطيور على قمم الجبال.
12 فأنا لا بطلب منكم ولا الجوع بيمسني، فكل الأرض واللي عليها ملكي.
13 فأنا لا باكل من لحوم آضحياتكم ولا بشرب دمها.
14 أنا هو الله العلي العظيم، ولا ترضيني إلا آضحية حمد ووفاء بنذر.
15 ساعتها تدعوني في يوم ضيقتكم، وأنا أخلصكم فتمجدوني.“
16 أما المنافقين فأقول لهم: بأي حق أنكم تتكلموا بإسم شريعتي أو تدعوا أنكم بتحفظوا عهدي؟
17 فأنتم عصيتم أوامري وتركتم شريعتي ورا ظهوركم.
18 أخترت رفقة الأشرار، واللي مش بيحفظوا عهد الزواج الخاينين.
19 فمك مش بيتكلم إلا بالسوء، وبالكذب بينطق لسانك.
20 تمشي بين الناس بالنميمة، وبالسوء بتغتاب أخيك.
21 كل ده شهدته عليك، فظننت أنت أني وافقتك. سكت عنك، لكني دلوقتي أحاسبك وأدين فعلك.
22 فانتبهوا يا مَن نسيتوني، وإلا أهلكتكم ومفيش حد يخلصكم من ايدي.
23 خلوا أضحياتكم من قلوب شاكرة علشان أرضى عنها، والنجاة تكون للي يمشي على صراطي المستقيم.