1. Inihip Koyna (I am resolved)
Inihip koynay ahe mag-udong
Ha kakahalanan.
Hiyay mangaloke ha babe-luta
Talingkokolan ko.
Kodo:
Humaley akoyna kanan Apo Dioh
Humbongen tawo awod ye Apo Jesus.
Tanggapen koyna ye Māngiligtah
Makew ako kana.
Mapatayaan, boy matoynong ya,
Anti kanay bi-ay.
Humbongen koyna ye Māngiligtah,
Anggan makanoman.
Hiyay Habi na, hiyay labay na,
Humbongen ko hila.
Humlep akoyna lano ha langit.
Kalok-an ibantak.
Agya mapoot hilay gagayyem,
Ahe la mahaad.
2. Hinya Ye Makalinih (Nothing but the blood of Jesus)
Hinya ye makalinih
Nin dinyag kon mangaloke?
Hiyay Apo Jesus bengat
Homain anan kanayon.
Kodo:
Mabli ye daya na,
Ta anlinihan nay
Kakahalanan ko
Ha impako ya ha kodoh.
Ha kakahalanan ko,
Linihan mo kon daya mo.
Hiyay kapatawadan ko,
Ibyay mo kangko, O Jesus.
Hiyay daya nan bengat
Ye makapiligtah kangko.
Aliwan ye didiyag ko
Ye makapiligtah kangko.
Hikan bengat, O Apo.
Homain anan kanayon
Ye makaibyay kangko
Nin peteg a kalinihan.
3. Anti Yayna Kangko (He Abides)
Angkahayaghag ako ha pagbi-ay ko,
Ta an-adoen na kon Apo Jesus.
Ket angkatanam ko ya hinyaman a odah,
Ulita anti yayna kangko.
Kodo:
Anti ya, anti ya,
Aleluya, anti ya kangko.
Angkahayaghag ako ha pagbi-ay ko,
Ulita anti yayna kangko.
Hikoy māgkahalanan, homain katanaan.
Ket nange ko yan natey ye Jesus.
Kinumompang bi-ay ko ha hinaleyan koya,
Ulita anti yayna kangko.
Lamo ko ya way-ihtew man, ahe nako paolayan
Agya po angkakamatey akoyna.
Hiya ye kakhawan ko, latngen ko yay langit,
Ulita anti yayna kangko.
4. Manged a Kahigodoan (Blessed Assurance)
Manged yay anti kanan Jesus
Ta anak akoynan Apo Dioh.
Bayad nin kakahalanan ko,
Daya nay impanlinih kangko.
Kodo:
Hiyay kanta ko boy pamapteg ko,
Panggalang kana ayin angga.
Hiyay Jesu Criston Apo tawo,
Galangen tawon makanoman.
Ha anti koyna kanan Jesus,
Ihip ko ket ibat ya ha Dioh.
Hilay anghil a māgbantay ko,
Intubol nin Dioh ihti kangko.
Natanggap koynay katanaan,
Ha namataya kanan Jesus.
Ampakigwang ako nin luboh,
Ampangagad a lumateng ya.
5. Mapatayaan Ka (Great is Thy Faithfulness)
Mapatayaan ka, O Bapa min Dioh.
Ahe ampagbayo makanoman.
Mahilem, ugto agya po mahanib,
Mapatayaan ka, O Apo Dioh.
Kodo:
Mapatayaan ka, mapatayaan ka.
Kaganaan a katapulan ko,
Angkatanggap kon minamangaamot.
Antupaden mo ye pangako mo.
Kaingitan, kaodanan, pamalot,
Hila', bowan, bitoen ha langit,
Ampagkanta hilan panggalang kammo,
Ta peteg a mapatayaan ka.
Hiyay kapatawadan boy katanaan,
An-ipangako mon ibyay kammi.
Hiyay kakhawan boy kahigudowan,
In-ibyay mo hilay kaganaan.
6. Manigudo Ha Pangako (Standing on the Promises)
Ampanigudo ko ha pangako na.
Anggalangen ko yan homain angga.
Galangen koya ha katatagayan.
Manigudo ko kanan Jesus.
Kodo:
Manigudo, kayna ha papangako nan Jesu Cristo.
Manigudo, ha papangako nan Apo Dioh.
Hiyay pangako na, ahe angkadama,
Agya angkaidapan akon lanang.
Ket hamboten ko hilay mangaloke.
Ampanigudo ako kana.
Hilay papangako nan Apo Dioh,
Ampamakhaw kangko ha paghilbi ko.
Anlamoan nako nin Ihpidito,
Ta ampangalingay ya kangko.
Hiyay pangako na, ket pawa kaptegan.
Humbongen ko yay Ihpidito nin Dioh.
Inhuko koyna kanan kaganaan.
Main bi-ay a pangako na.
7. Makapalyadiyan Yay Daya (There is Power in the Blood)
Labay mo nayi nin mapatawad?
Makapalyadiyan daya na.
Agya po man makahalanan ka,
Linihan na kan daya na.
Kodo:
Peteg a makapalyadiyan,
Yay daya nan Cristo.
Peteg a makapalyadiyan,
Yay daya nan Apo Jesus.
Ahe mo labay ye kalambongan?
Makapalyadiyan daya na.
Ha Kalbaryo, ket linihan naka.
Linihan na kan daya na.
Kalinihan a ba-mon tabulinaw.
Makapalyadiyan daya na.
Balang yatek a anti kammo.
Malinihan yan daya na.
Labay mo nayin maghilbi kana?
Ang-agaden na kan Apo Dioh
Labay mo yan galangen nin lanang?
Linihan na kan daya na.
8. Galangen Yay Dioh (To God be the Glory)
Galangen tawo yaynay Apo Dioh,
Ta in-ibyay nay mamaghay Anak na.
Natey ha kodoh ta-omen na kowen
Ye kahalanan tawon kaganaan.
Kodo:
Hikitawon nananggap kanan Apo Jesus,
Anggalangen tawo yaynay Apo Dioh.
Galangen tawo ya ta manged ya,
Ta binyan na kitawon kaligtahan.
Daya nan Apo Jesus ye nanlinih,
Nin kahalanan tawon kaganaan.
Ket agya hinyaman a mamteg kana,
Makatanggap ya nin kapatawadan.
Uli ha babagay a manganged,
A andiyagen nan Apo Jesu Cristo.
Hiya ye galangen tawo haanin,
Angga lano ha makit tawo yayna.
9. Kanged Mon Apo (How Great Thou Art)
Apo Dioh, no bilewen koy palhwa mo,
Ahe koya makwan ihipen.
Hila’, bowan boy bitowen ha langit,
Pamapteg ha kapalyadian mo.
Kodo:
Anggalangen kata, Apo Dioh,
Ta makapalyadiyan ka.
Anggalangen kata, Apo Dioh,
Ta makapalyadiyan ka.
Angkakit ko ye kalabongan ayop,
Boy kalabongan nin tanaman a
In-ibyay mo omen gawien miyna,
Ha bi-ay min minamangaamot.
Anti ha poho ko yay Apo Jesus
A mamaghan Anak mo a natey.
Mabli ya ye daya nan tinumolo,
Panlinih nin kakahalanan ko.
No lumateng yayna ye Apo Jesus,
Ket mange ko ye ingat na kangko.
Maligha ko, ta hiko ye kowen na.
Lamo nako ha angkonaan na.
10. Bilangen Moy Tinanggap Mo (Count Your Blessings)
No angkahindak ka ha pagbi-ay mo,
Ket angkayoot yay kaihipan mo,
Bilangen moy in-ibyay nin Dioh kammo,
Kumhaw yan uman ye kaihipan mo.
Kodo:
Bilangen moy in-ibyay kammo,
Hiyay in-ibyay na kammo nin Dioh.
Bilangen mo ye natanggap mo
Omen mo maihip a manged yay Dioh.
Tubat ya nayi ye kaidapan mo
A ba-mon ampamatay kaynan kodoh?
Bilangen moy in-ibyay nan Apo Dioh
Ta-omen yayna lumighay puho mo.
No angkakit mo hila ye mainan,
Ihipen moy impangako nan Cristo.
Ta malalabong ye kabandiyan mo,
Ha langit intaladan nan Apo Dioh.
Kaya-bay agya angkaidapan ka,
Agka humuko ta anti yay Apo.
Ta haglapan la kan aanghil nin Dioh,
Kalingayen laka ha pagbi-ay mo.
11. Mamteg Boy Manombong (Trust and Obey)
No anleng-en tawo boy anhumbongen ye
Anhabiyen nan Apo Jesus,
Ket biyan na kitawon ihip a manganged,
Ta hiyay ampamtegan tawo.
Kodo:
Mamteg kayna kanan Apo Jesus.
No labay moy lumigha,
Manumbong ka kana.
Ayin kan kalimwan, agya kamateyan,
No tinanggap mo yaynay Jesus.
Alihen na kammo ye kalelean mo,
Ta hiyay ampamtegan moyna.
No kakaidapan ye angkatanam mo,
Tanda na yaynan Apo Jesus.
Haglapan na kayna boy biyan kakhawan,
No hiyay ampamtegan moyna.
Agtaw madihaan, ado nan mayadet,
No ahe tawo mamteg kana.
Hilay mangihuko, bibi-ay la kana,
Hila ye an-inged nan Jesus.
12. Hiyay Alan a Kodoh (The Old Rugged Cross)
Agko maliwaan ye mamaghay kodoh,
Naipaideng ha Kalbaryo.
Hiyay Apo Jesus, ihtew naipako,
Natey ulin bengat kangko.
Kodo:
Maalaga yan tubat yatew a kodoh,
Ket legan angkabi-ay ako,
Paitakip ako ha kodoh,
Angga ha langit malateng ko.
Ha alan a kodoh, impako yay Jesus,
Digalo a Anak nin Dioh.
Uli ha ado na, yabayti nag-idap
Omen kitawo maligtah.
Ha alan a kodoh, tana natanam ko,
Boy ado ahe angkapoh.
Ihtew dinumawoy ye daya nan Jesus,
Oyah, kahalanan tawo.
Umilig ha kodoh, anggan kalampohan,
Agya matanam kaidapan.
Lanang a maghilbi kanan Apo Jesus,
Anggaynan malateng koy langit.
13. Nalinihan Ka Nayi Daya Na? (Are You Washed in the Blood)
Nakikwa kayna nayi nin patawad
Kanan Apo a Jesu Cristo?
Ampangipataya ka nayi kana,
Nalinihan na kan daya na?
Kodo:
Nalinihan kayna,
Nayi ha daya naynan Cristo?
Napatawad na kayna nayi nin Dioh,
Nalinihan kaynan daya na?
Ampagbi-ay ka nayi a lamo mo
Yay Apo ha minamangaamot?
Ampatayaan moya nayin lanang,
A linihan na kan daya na?
Malinih kayna dayi ha panaon,
Ha panlumateng nan Apo Dioh.
Naitaladan moyna dayi kana,
Ye hadili mon umadap lano.
Talingkukolan moy kakahalanan,
Ta oyahan na kan daya na.
Ha hubol nin bi-ay, makinawid ka,
Ta maoyahan kan daya na.
14. Habiyen Mo Kanan Jesus (Tell It To Jesus)
Angkayoot nayi ye ihip mo?
Anti yay Jesus, habiyen mo kana.
Angkalelean ka ha bi-ay mo?
Habiyen mo kanan Jesus.
Kodo:
Habiyen mo kana, habiyen mo kana,
Ta maanoh yan gayyem.
Homain nin wanabay a gayyem.
Habiyen mo kanan Jesus.
Antumulo nayi ye luwa mo?
Anti yay Jesus habiyen mo kana.
No main maloke ha bi-ay mo,
Habiyen mo kanan Jesus.
Angkalimwan moy kalinghoyotan?
Anti yay Jesus, habiyen mo kana.
An-ihipen moy maadapan mo?
Habiyen mo kanan Jesus.
Angkalimwan mo ye kamateyan?
Anti yay Jesus, habiyen mo kana.
Labay mo nayi a lumateng ya?
Habiyen mo kanan Jesus.
15. Hinapwat Na Ko (Love Lifted Me)
Tanda ko a tubat ye kakahalanan ko.
Didiyag ko boy ihip ko ye aliwan manged.
Noba ha tinanggap ko yaynay Apo Jesus,
Naalih anay kakahalanan ko.
Kodo:
Hinapwat nako, hinapwat nako,
Ha ado na, naiawah ako.
In-awah na kon Apo Jesus,
Ha kapaduhaan ha impilno.
Inhuko koy bi-ay ko kanan Apo Jesus.
Pakatino akoyna boy galangen koya.
Hiyay dinyag na kangko, pahalamatan ko.
Hiyay pamteg ko, makit ha bi-ay ko.
Kaya-bay kakatongno, tanggapen tawoy na
Yay Apo Jesus omen kitawon maligtah.
Hiya ye Apo tawo, pamtegan tawo ya,
A mamyay bi-ay a homain angga.
16. Pamakigwang Ko Ha Dioh (Sweet Hour of Prayer)
Ha pamakigwang ko ha Dioh,
Main akon kalighaan.
An-awoken ko kana,
Ye katapulan kon peteg.
Kodo:
No angkalele akoyna,
Ambiyan na kon kalighaan.
Antumaang kangkoy tokho,
Ha pamakigwang ko kana.
Ha pamakigwang ko ha Dioh,
Lalo yan humaley kangko.
Leng-en nay pamakigwang ko,
No manumbong ako kana.
17. No Humaley ha Dioh (Near to the Heart of God)
Main kaynan katanaan,
No humaley ha Dioh.
Homain kaynan kalok-an,
No humaley ha Dioh.
Kodo:
Halamat Apo Jesus,
Ta in-ligtah moko.
Akayen mo kon lanang,
A humaley ha Dioh.
Main kayna nin kangedan,
No humaley ha Dioh.
Anlumigha ye bi-ay mo,
No humaley ha Dioh.
Main kaynan kalighaan,
No humaley ha Dioh.
Magkamain kan kahnagan,
No humaley ha Dioh.
18. Pokawen Mo Kayin Uman (Revive Us Again)
Galangen ka Apo,
Boy hiyay Anak mon
Natey ha kodoh ket,
Nag-udong ha langit.
Kodo:
Aleluya, galangen ka,
Galangen ka Apo.
Aleluya, galangen ka,
Pokawen mo kayi.
Galangen ka, O Dioh,
Ta hika ye tillag.
In-ibyay mo yay Cristo,
A Māngiligtah.
Galangen ka Apo,
Jesu Criston natey.
Ta hika ye nambeh,
Boy nanlinih kammi.
Pokawen mon uman,
Kayin kaganaan.
Ponoen mo kayin
Ingalo boy ado.
19. Galangen Ngalan Na (Glory to His Name)
Hiyay Jesus, in-ibyay bi-ay na,
Ihtew ya impako ha kodoh.
Inoyahan na kon daya na.
Galangen ngalan na.
Kodo:
Galangen ye ngalan na,
Galangen ye ngalan na.
Inoyahan na kon daya na.
Galangen ngalan na.
Kahalanan koy inalih na.
Ha kodoh ihtew timbeh na.
Ket hiya ye anti na kangko.
Galangen ngalan na.
Hiyay hubol, tubat a makinang,
A manlinih kakahalanan.
Hiyay Jesus, ampangagad ya,
Galangen ngalan na.
Kanan Cristo tawoyna haanin,
Tumkip tawo ha bibitih na.
Ket habiyen tawo a ikanta.
Galangen ngalan na.
20. Dapah a Angkabi-ay (Rock of Ages)
Dapah kan angkabi-ay,
Hika ye kalahag ko.
Hikay pag-iligan ko,
A makaibyay tana.
Hubol ka nin hayaghag,
Oyah nin kadinatan.
No lumateng yay lele,
Luwa koy antumolo,
Ihipen ko yan tampol,
Ye idap mo ha kodoh,
Ket matanggap ko lano,
Ingalo ayin angga.
No maboyto anay bi-ay,
Ha langit kan mimukat.
Makit ko lanoy Jesus,
Pamiknoan Nahantowan.
Hiyay Cristoy kalahag ko,
A dapah, angkabi-ay.
21. Paghilbi Kanan Poon (In the Service of the King)
Maligha kon maghilbi kanan Jesus,
Malighan peteg maligha.
Main tana boy aliket ha kaptegan,
Maghilbi kanan Jesus.
Kodo:
Paghilbi kanan Jesus,
Bi-ay koy anti kana.
Maligha ko boy matana,
A māghilbi nan Cristo.
Maligha kon maghilbi kanan Jesus,
Malighan peteg maligha.
Idap man o aandoy matanam ko,
Maghilbi kon teed kana.
Maligha kon maghilbi kanan Jesus,
Malighan peteg maligha.
Mangakhaw a takyay ye iligan ko,
Maghilbi kanan Jesus.
Homain makapatgen paghilbi ko,
Malighan peteg maligha.
No lumateng papalano ha langit,
Angkonaan matampa.
22. Bi-ay Bi-ay (Alive, Alive)
Bi-ay, bi-ay, bi-ay makanoman
Hiyay Jesus nabi-ay, bi-ay makanoman
Bi-ay, bi-ay, bi-ay makanoman
Hiyay Jesus ket bi-ay makanoman.
Kantaen tawoy panggalang kana
Hiyay Jesus ket bi-ay makanoman
Kantaen tawoy panggalang kana
Hiyay Jesus ket bi-ay.
23. Galangen ya ye Apo Dioh (Doxology)
Galangen ya ye Apo Dioh
Bapa, Anak, Ihpidito
A ampamyay kaganaan
Galangen tawo yan lanang. Amin
24. Ampanggalang ako kanan Apo Dioh (Ako’y Magpupuri)
Ampanggalang ako kanan Apo Dioh
Ampanggalang ako kanan Apo Dioh
Ampanggalang ako kanan Apo Dioh
Galangen tawo yay Apo Dioh.
Galangen yay Apo, ta manged ya kantawo
Ta an-iligtah na hilay angkaapi
Manggalang kanay papalhowa na
Ha pangado a homain angga
25. Ampakaadoen kata O Apo Dioh (Mahal na Mahal kita Panginoon)
Ampakaadoen kata O Apo Dioh [2X]
Makanoman agkata ihagili
Ha talig mo langit ana kangko
Ampakaadoen kata O Apo Dioh
Kodo:
Galangen- kata, legan angkabi-ay
Maghilbi kammo, legan angkabi-ay
Hiyay pangado ko kammo ket homain yan anggaan
26. Halamat Kammo (Ang Tanging Alay Ko)
(Bilang 1)
Halamat kammo
O Apo kon Jesu Cristo,
Ta in-ado moko boy tinanggap luboh
Kodo:
Hiyay hagpa ko kammo
O Bapa kon Dioh,
Ket hiyay bi-ay ko, puho boy kalelwa.
Ahe ko mababa a maidigalo,
Ye mangablin bagay, lalalo no ginto.
Tanggapen mo
O Dioh, ye pamakigwang ko,
Hiyay maidigalo ko, gawien mo dayi.
Yatin bengat Apo, homain kanayon,
Akon an-awoken.
(Bilang 2)
Agko an-ihipen a balayen moko Jesus,
Ta hiyay omen kangko ahe hukat adoen.
(Kodo)
(Bilang 3)
An-agaden ko ye pag-udong mo Jesu Cristo,
Luboh ye aliket, no makatalig kata
27. Manguna Ka kangko Apo (Have Thine Own Way Lord)
Kalabayan mo ye matupad,
Ta pita akon dinemeng mo.
Dyagen mo dayin omen kammo
Omen luminih ye bi-ay ko.
Leng-en mo dayi pakigwang ko.
Linihan moya ye puho ko.
Boy diyagen mo koyna nin genap
A omen kanan Jesu Cristo
Kalabayan mo ye matupad,
Awoken kon haglapan mo ko.
Homain makaigit kammo.
Naheb akon Ihpidito mo.
Hikay mahumbong ha bi-ay ko,
Ta hika ye Dioh a mamoon.
Naheb akon ado nan Cristo,
Mamoon kangko makanoman.
28. Timbeh (Reedemed)
An-adoen nako nin Jesus
Kaya-bay timbeh na koyna
Ha ingalo boy pangado na
Imbilang nakon anak na.
Kodo:
Timbeh nakon
Timbeh nako nin daya na
Timbeh, timbeh
Haanin anak nakoyna.
Main aliket kanan Jesus
Ahe ko maimidida
Boy anlamoan nako nin lanang
Agya way-ihtew man makew.
Hiyabay ye manged a mambeh
Kinaaliktan nan Apo Dioh
Agko mabenben ye magkanta
Uli ha ado na kangko.
Makit ko yan adap-adapan
Hiyay Poon nin kahnagan
A ampanguna kangko nin lanang
Anggan malateng ko ye langit.
29. Peteg a Dioh (Ikaw ang Tunay na Diyos)
Anggalangen kata o Dioh
Hiyay hagpa mi, ket panggalang kammo
Hiyay kadangalan boy kangedan mo
Kapalyadiyan moy homain kapadiho
Kodoh:
Hika ye peteg a Dioh
Homain kan kapadiho
Bubukod mon bengat
Boy homain anan kanayon
Hikay angkantaan mi
Leng-en mo ye bihnga mi
An-ipangha ha babe-luta, ye kadangalan mo